TVRI YOGYAKARTA NEWS – ADI NUGROHO-WENDY
Budidaya kemangi unggulan varietas lemon kanyata nggadahi kalodangan ingkang sae, jumbuh kaliyan panyuwunan ingkang inggil. Setunggal bongkok kemangi isi kalih welas iket pengaosipun ngamncik satus ewu rupiah.
Kados mekaten menika budidaya kemangi varietas lemon ingkang dipun tindaaken dening prapti setunggaling kadang tani ing laladan Mbugel Panjatan Kulonprogo. Piyambakipun sampun dangu nanem kemangi menika minangka komoditas pertanian ingkang dipun dadosaken piyandelipun.prapti ngandaraken bilih wiwitanipun nanem kemanggi jenis lemon menika namung cobi-cobi ananging kanyata kalodanganipun sae, amargi kathah tiyang ingkang nggadahi wande dahar ingkang lajeng ndatengi papanipun menawi sampun wekdal panen kemangi. Budidaya kemangi menika produktif sanget amargi tuwuhipun gampil lan saged dipun panen makaping-kaping gumantung kaliyan pangrimatan lan ugi kawontenan cuacanipun. Ananging emangipun dereng kathah tiyang ingkang budidaya taneman kemangi menika kanthi pawadan mboten mangertos cara mekenaken asiling panen kemangi. Kemangi menika saged dipun panen menawi sampun umur setunggal wulan. Cara panenipun inggih namung dipun punthes perangan ron kemangi ingkang badhe dipun panen. Saklajengipun taneman dipun paringi rabuk malih lan saged tuwuh malih. Ron kemangi menika dipun sade setunggal ewu rupiah saben unting-ipun. Setunggal unting kemangi menika namung dumados saking sawetawis cawang kemangi kemawon. Cara mbabar taneman kemangi menika inggih namung gampil, cekap ngginaaken perangan wijinipun ingkang sampun tuwa. Wiji ingkang wonten lajeng dipun sebar wonten ing siti. Setunggal minggu saklajengipun taneman kemangi menika sampun wiwit thukul nembe dipun pindah tanem. Ama ingkang nerak inggih uler. Cara ngendhaleni–nipun dipun pendheti setunggal mbaka setunggal.
