TVRI YOGYAKARTA NEWS – JATMIKO HADI
Kacang tholo dados salah setunggaling komoditas taneman ingkang trep sanget dipun tanem ing mangsa ketiga kados wekdal sakemnika. Kajawi pangrimatanipun gampil, pengaosing kacang tholo ing pekenan ugi kalebet inggil.
Ing mangsa ketiga kados wekdal sakemnika, kadang tani ing laladan Dusun Candi, Kalurahan Karangwuluh, Kapanewon Temon, Kabupaten Kulonprogo, saperangan sami nanem kacang tholo. Salah setunggalipun kados ingkang dipun tindakaken dinig partinah. Ing mangsa ketiga sakemnika piyambakipun nanem kacang tholo ing lahan pesabninanipun amargi komoditas olah tetanen menika trep sanget dipun tanem ing lahanipun ingkang kawontenan sitinipun garing, kabandingaken komoditas sanesipun kadasta jagung lan dangsul. Kajawi menika, pangrimatanipun ingkang gampil lan pengaosing kacang tholo ing pekenan ingkang kalebet inggil, ingkang ndayani piyambakipun lan saweneh kadang tani ing papan menika sami nanem kacng tholo. Mangsa panen kacang tholo piyambak ugi meh sami kaliyan taneman pala wija sanesipun inggih mneika 100 dinten. Partinah piyambak ing mangsa ketiga sakmenika nanem kacang tholo ing lahan kanthi wiyar kirang langkung sewu meter persagi, lan dipun dugi piyambakipun saget pikantuk asil engga 25 kilogram kacang tholo ing saben paneinpun. Kamangka anggenipun manen kacang tholo mekaten saget katindakaken engga kaping 10. Asil panen kacang tholo menika samengkenipun badhe dipun simpen rumiyin, engga regi kacang tholo inggil. Kawuningana pengaosing kacang tholo wekdal sakemnika setunggal kilonipun dipun kerta aji 7 ewu rupiyah. Menawi kawontenan sae, pengaosing kacang tholo saget ngancik 15 ewu rupiyah saben kilonipun.
