TVRI YOGYAKARTA NEWS – WIDI-ABDUL ROCHIM
Ing saktengahing gempuran dolanan digital, Desa Wisata Krebet Pajangan Bantul, dados beteng panjagi lestantuning dolanan tradisional. Desa ingkang kaloka kanthi asiling kerajinan batik kajengipun, sakmenika mekaraken wisata edukasi dolanan tradisional kangge generasi mudha.
Dumunung ing laladan Pareen Pajangan Bantul, Desa Wisata Krebet dados setunggaling jujugn wisata unggulan mliginipun dhumateng para sutresna seni kerajinan tradiisonal. Padusunan ingkang dumunung kalih welasan kilo meter saking punjering kitha nagyogyakarta menika kaloka mionagka punjering kertajinan bathik kayu ingkang ageng piyambak ing indoensia. Langkung saking sekletan sanggar kerajinan kasebar ing dusun menika, ingkang ngaryaaken atusan pengrajin ingkang trampil lan tyrengginas ingkang ngasilaken manekawerni produk batik kajeng ingkanbg gadhah bobot ingkang sae. Saking topeng pasuryan, engga piranti balegriya dipun asilaken kanthi raos teliti lan bobot seni ingkang inggil. Para tamu ingkang ngebdhangi papan menika saged amirsani proses ndamel kerajinan lan nyobi ndamel batik ing sak nginggiling kajeng. kajawi nawisaken produk kerajinan, desa wisat krebet ugi tasih njagi lestantuning seni dolanan tradisional minangka peranganing lan panyengkuyung desa wisata. Manekawerni dolanan tardisional kadosta gobag sodor, dakon, egrang, cublak-cublak suweng engga jeg-jegan dumugining wekdal sakmenika tasih saged dipun paragaaken para tamu ingkang negbndhnagi desa wisat krebet, menika. Para pemandu wisata ingkang mujudaken warga lokal siyaga mucalaken cara maragaaken dolanan taddisional lan makna filosofi ingkang kinandut ing setunggaling dolanan wau.
Saben saben dolanan gadhah bobot luhur kadosta gobag sodor ingkang mucalaken tembayatan tim, dakon mucalaken kajujuran lan strategi, sawetwis eganrang mucakalaken raos kawanenan lan keseimbangan, mekaten ugi dolanan aesipun. Program nglestantunaken dolanan tradisional menika kanyata ugi pikantuk kawigatsoan saking sawetawis kalnagan. Sawetawis pawiyatan ugi kanthi ajeg nindken wisata edukatif ing Desa Wisata Krebet kangge nepanagken dolanan tradisional dhumateng para siswa. Lumantara program menika pengfelola desa wisat krebet ngajab saged nuwughaken raos tresnanipun para wiranem dhumateng warisan budaya bangsa, ngiras pantes nindaken wisata edukasi ingkang ndamel remening manah.
