TVRI YOGYAKARTA NEWS – JATMIKO HADI
Sinaosa sampung awis–awis dipun prangguli, ananging sawetawis kadang tani ternak ing laladan kabupaten kulonprogo tasih wonten ingkang sami ngingah maesa kanthi gunggung ingkang katah.
Kados mekaten menika kridanipun mbah prono salah saweneh kadang tani ternak maesa saking laladan Tirto Rahayu Kapanewon Galur Kulonprogo, nalika angon maesa ing sabin. Mbah prono piyambak sakmenika gadahi 12 maesa ingkang dipun ingah lan ajeg dipun angon ing pesabinan lan ing sak pinggiring lepen ing laladan Kalurahan Tirtorahayu. Mbah Prono waleh bilih piyambakipun ngingah maesa menika sampun wiwit dasanan tahun kapengker lan sampun dados ingah-ingahan run tumurun. Piyambakipun ngingah maesa menika mboten kok tanpa pawadan. Salah setunggaling paadan mbah prono tasih remen ngingah maesa inggih menika pangrimatanipun ingkang langkung gampil kabandingaken ngingah raja kaya sanesipun kadasta lembu lan menda. Menawi ngingah maesa piyambakipun mboten kedah nambah pakan pabrikan arupi konsentrat ing sak lebeting nyukani pakan. Kabetahan pakan maesa menika sampun saget dipun cekapi kanthi angon lan diumbar mekatenkemawon ing pesabinan. Kajawi menika pengaosing maesa ugi kapetang ajeg lan inggil. Kangge maesa jaler ingkang sampun dewasa padatanipun pajeng dipun sade antawis 30 duugi 38 yuta rupiyah, sawetawis kangge maesa (betina) dewasa pajeng watawis 25 dumugi 30 yuta rupiyah.
Mbah prono nelakaken bilih setunggaling pepalang ing saklebeting ngingah maesa inggih menika winatesing lahan pesabinan kangge ngumbar utawi angon maesa.
