TVRI YOGYAKARTA NEWS – MUCHAMMAD RIDWAN
Minangka salah setunggaling desa mandiri budaya, warga masyarakat kalurahan sinduharjo kapanewo ngaglik sleman dipun jurung supados tumut ngletsantunaken seni lan budaya ingkang tuwuh ngrembaka ing sak tengahing masyarakat, supados tansah lestantun.
Kirab budaya menika mujudaken reroncening adicara ambal warsanipun Kalurahan Sinduharjo Kapanewon Ngaglik Kabupaten Sleman ingkang kaping 78 tahun. Kirab kawiwitan saking taman budaya loh jinawi gentan tumuju ing lapangan gadingan, ingkang tebihipun hgancik setunggal setengah kilometer. Para pasarta kirab menika mujudaken para warga masyarakat saking 17 padukuhan ingkang wonten ing Kalurahan Sinduharjo. Para pasarta kirab sami mbeta uborampu gunugan asil bumi, lan manekawerni pusaka antawisipun tombak majigjo, tombak pandowo, lan tombak sumpono. Kajawi kirab budaya, pengetan ambal warsanipun kalurahan sinduharjo ingkang kaping 78 tahun, ugi dipun regengaken manekawerni pentas budaya, wiwit saking jathilan, campursari, karawitan, pentas seni keagamaan, kenduri engga bazar UMKM. Lurah sinduharjo sudarja ngandaraken, bilih kanthi diun tetepaken minangka desa mandiri budaya, piyambakipun nyuwun dumateng warga masyarakat Sinduharjo tansah nguri–uri budaya tradisi ingkang wonten ing laladan Sinduharjo Ngaglik, ingkang tronjongipun ugi saget ningkataken drajat ekonomining warga lumantar potensi khasanah budaya ingkang wonten ing Sinduharjo, bab menika laras kaliyan irah–irahan ambal warsa kalurahan sinduharjo ingkang kaping 78 tahun, inggih menika merajut bersama memperkokoh warisan budaya, maju Sinduharjo menuju Sinduharjo maju dan sejahtera.
Pengetan ambal warsa Kalurahan Sinduharjo ingkang kaping 78 tahun menika, dipun punjeraken ing lapangan Gadingan Ngaglik Sleman.
