TVRI YOGYAKARTA NEWS – MUCHAMMAD RIDWAN
Kanggih asil ingkang langkung maksimal, katah saking para kadang tani ingkang ing wekdal sakemenika sami nanem komoditas taneman kanthi cara tumpangsari. Kajawi asilipun langkung katah, krida menika ugi minangka njagi ketahanan pangan.
Mupangataken laha pesbabinan ingkang mboten wiyar, salah saweneh warga Pandansaren Kendal Bangunkerto Turi Sleman, ngetrepaken cara tanem tumpangsari kanthi 3 komoditas olah tetanen inggih menika kates, tela lan lombok. Tiga komoditas taneman menika dipun tanem ing setunggaling lahan, kanthi jarak ingkang radi arang. Kanthi pangrimatan ingkang sae, kanyata tiga komoditas taneman ingkang dipun tanem ing setunggaling lahan menika saget tuwuh subur. Bab menika kacihna saking kawontenan ron taneman ingkang ngrembuyung lan wohipun ingkang ndados. Kapilihipun 3 komoditas taneman menika, amargi mujudaken komoditas pangan poko ingkang saget dipun mupangataken warga kangge nyekapi kabetahan panganipun. Kajawi menika woh kates, tela lan lombok menika ugi saget dipun olah dados manekawerni daharan lan camilan, ingkang pengaosipun langkung inggil. Sawetawis menika kangge pangrimatanipun taneman kanthi cara tumpangsari menika ugi gampil, namung kedah migatosaken kacekapan rabuk ipun arupi rabuk kandang, lan ajeg ngresiki gulma utawi suket ingkang tuwuh ing sak kiwatengenipun taneman. Kanthi cara tumpangsari menika kajawi pangrimatanipun gampil, ing setunggal lahan pesabinan ing setunggal mangsa tanem, saget ngasilaken mankawerni asil panen, ingkang tundanipun aget kangge nambah wulu wektuning keluraga.
