TVRI YOGYAKARTA NEWS – WIDI-HARIF YUDA
Para pamirsa, supados ngirit beya produksi, KWT Lestari saking Sorolaten Godean Sleman, ndamel media tanem piyambak ing saklebeting nindaken usaha taninipun.
ing wekdal pandemi menika kathah warga masyarakat ingkang nindaken budidaya taneman ing pekawisanipun, kangge ngisi wekdal ingkang lodhang. Manekwerni jinising tanemn dipun budidayaaken dening warga masyarakat wiwit saking taneman hortilutura, engga manekawerni taneman pasren. Supados ngirit wekdal, warganing masyarakat sami tumbas media tanem ingkang sampun dados nalika badhe nindaaken usaha olah tetanenipun. Ananging menawi tumbas media tanem ingkang sampun dados, kadangkala kirang maremaken, awit saking menika, kelompopk wanita tani lestari saking sorolaten godean sleman, sami ndamel media tanem piyambak. Harjinah ketua kwt lestari ngandaraken bilih lumantar cara menika kanyata langkung irit lan murakabi, sarta bobot kasaenanipun rabuk ugi langkung sae. Kanthi media tanem ingkang sae wusananipun saget tuwuh subur. Kaleresan, bahan baken media tanem arupi bucalan menda ugi sampun cumawis. Usaha ndamel media tanem ingkang dipun ampingi dening widodo menika kanyata ugi namung gampil sanget. Bahan ingkang dipun ginaken inggih menika bucalan menda ingkang sampun dados, brambut pantun ingkang sampun dipun besm, siti, saweatwis kangge njagi PH ipun dipun tambahi kapur pertanian utawu dolomit. Menggah ukuranipun inggih menika siti setunggal, bucalan menda kalih, brambut pantun kalih lan kapur dolomit setunggal. Sasampunipun sedaya bahan wau cumawis sakaljengipun dipun campur engga radin. Media tanem menika, sampun saged dipun mupangtaken kangge nanem mamnekawerni taneman hortikultura menapadene taneman pasren ing polibag, lan pot.
Ing tembe ngajengipun media tanem menika ugi badhe dipun sade ing pekenan, kangge nambah wulu wektunipun KWT Lestari.
