TVRI YOGYAKARTA NEWS – WIDI-HARIF YUDA
Minangka kupiya kangge njagi kawontenan siti tansa subur tansah lan ndamel wohipun langkung sehat, saweneh kadang tani ing Sardonoharjo Ngaglik nindaaken budidaya manekawerni jinis pisang kanthi cara organik.
Kados mekaten menika winih pisang organik ingkang dipun kemonah ing rumah organik mapan ing laladan Dusun Bulusan Sardonoharjo Ngaglik Sleman. Ing pekawisan dipun tanemi manekawerni woh pisang ingkang dumados saking jins tanduk, pisang raja, pisang kepok, pisang mas lan pisang ambon. Wonten ing papan menika saweneh kadang tani nindaaken budidaya winih pisang menika mawi cara organik ngginaaken rabuk organik saking bucalan menda. Rabuk bucalan menda ingkang sampun dipun fermenrasi menika nggadahi mupangat ingkang ageng kangge nyuburaken siti ingkang badhe dipun tanemi pisang. Rabuk organik bucalan menda menika dipun datengaken saking kadang tani ternak ing laladan berbah. Sakderengipun dipun tanem wonten ing siti konvensional ing laladan cangkringan lan magelang, winih pisang menika dipun tanem rumiyin wonten ings teunggaling pot. Media tanem ingkang dipun ginaaken inggih menika siti rabuk lan ugi sekam. Sekam menika nggadahi mupangat kangg enjagi kawontenan toya ing media tanem. Budidaya winih pisang organik menika katindaaken kangge mbangsualekn malih cara tanem ingkang sehat ngiras pantes njagi kawontenan siti tetep gembur. Kawuningana bilih ing wekdal sakmenika taksih kathah kadang tani ingkang nindaaken olah tetanen kanthi cara an organik ingkang menawi dipun kendelaken badhe ngrisak lahan olah tetanen. Winih pisang menika kapilih amargi wohipun kapetang maremaken, wonten setunggal wit ingkang liranganipun ngancik kalih welas iji. Kangge njagi keasaman siti dipun tambah mawi kapur tohor. Mboten wonten pangrimtan ingkang miirunggan ing saklebeting budidaya pisang menika kejawi njagi supados kawontenan sitinipun resik saking gulma. Langkung tandes malih piyambakipun ngandaraken bilih kangge nikelaken asil, ing saktengahing wit pisang menika dipun tanemi taneman kara pedang ingkang ing wekdal sakmenika smapun dados piyandelipun kadang tani.
