TVRI YOGYAKARTA NEWS – WIDI-ROCHIM
Para pamirsa, lahan pesisir Samas, ing Kabupaten Bantul kajawi dipun mupangtaken kangge usaha budidaya manekawerni taneman hortikultura, ing punhgkasaning wekdal menika ugi dipun mupangtaken kangge nanem pantun. Asilipun ugi maremaken, mboten kawon kaliyan pantun ingkang katanem ing lahan konvensional.
Kados mekaten menika taneman pantun ingkang dipun tanem ing pesisir Samas ing sak celaking Jalan Lintas Selatan pasipun ing Samas, Srigading, Sanden Bantul. Taneman pantun ingkang dipun-gulawenthah dening kadang tani menika sak perangan wonten ingkang nembe mrekatak, ananging saperangan ugi wonten ingkang siyaga dipun panen. Edi saweneh kadang tani nagdaraken wiwitanipun kadang tani ing papan menika, ugi mboten nginten bilih lahan pasir ingkang wonten ing papan menika saged dipun mupangtaken kangge usaha budidaya pantun. Kridaning kadang tani ing papan menika ngemonah lahan pasir kangge budidaya pantun jalaran ing papan menika wonten setunggaling rawa, saklajengipun rawa ingfkabng wonten menika saged dipun gulawenthah kangge budidaya pantun. Sasampunipun nindaaken uji coba, saklajengipun kadang tani kasil ngolah rawa-rawa wau dados lahan pesabinan lan asilipun ugi kapetang sae. Ing saklebeting nanem pantun ing laladan menika ugi sami kaliyan nanem pantun umumipun ing lahan konvensional. Saben setunggal hektar lahan taneman pantun, ugi saged ngedalaken asil engga wolung ton langkung. Kanthi greget ingkang inggil kanyata lahan ingkang saderengipun mujudaken lahan marginal saged dados papan pangupajiwa warga masyarakat sakiwatengenipun. Nguningani bilih laladan indonesia mekaten nggadhai garis pesisr ingkang panjang lan dereng kathah ingkang dipun mupangataken, kridhaning kadang tani ing laladan samas bantum lenika saged dipun dadosaken setunggaling tuladha, ingkang wusnaanipun ugi saged nikelaken karaharjaning warga, ngiras pantes njagi ketahanan pangan, tumuju swasembada pangan.
