TVRI YOGYAKARTA NEWS – MARGOLARAS
Pamirsa, budidaya sawi slada gadhah peken ingkang tinarbuka. Jinis sayuran menika kathah dipun betahaken dening bakul bakso lan mie ayam, sengga nindakkaen budidaya tneman menika asilipun langkung mikolehi.
Kados mekaten meniko asil bidudaya sayuran sawi slada ing pekawisan griyanipun suryanto, saweneh warga saking Padukuhan Palihan Sidomulyo Bambanglipuro Bantul, tanemanipun tuwuh kanthi subur lan ketingal ijo royo-royo. Sawi slada dados pilihan usaha, karana panenipun cepet, biaya produksi alit, mboten sisah anggenipun ngrimat, lan saget mbatheni sanadyan reginipun mboten ajeg jalaran gumantung panyuwunan peken. Taneman sawi slada meniko umur kawan ndasa dinten, sampun saget dipun panen. Miturut suryanto, wekdalnipun panen sawi slada benten-benten dintenipun gumantung panyuwunan, kadosta kangge warung bakso utawi mi ayam padatanipun nyuwun ingkang ukuran sedengan gagangipun, jalaran ingkang dipun betahaken ronipun. Benten kalian kangge konsumsi rumah tangga, kathah-kathahipun nyuwun ingkang ukuran gagangipun. Karana meniko anggenipun manen wiwit umur umur seket dumugi sewidak dinten.
Usaha budidaya sawi slada ingkang dipun tanem ing pekawisan ingkang wioyaripun setunggalatusan meter persegi meniko, saget ngasilaken panen engga pitung kwintal. Ing mansga panen menika kadang tani rumaos remen jlaran kalis saking ama lan sesakit, saengga asilipun langkung mbatheni. Kajawi dipun sade, nanem sawi slada ugi dipun konsumsi piyambak kangge nyekapi kabetahan dahar sayuran ing kulawarganipun.
