TVRI YOGYAKARTA NEWS – WIDI-HARIF YUDA
Para pamirsa, nindaken usaha budidaya ulam grascap sarta bawal, kanyata langkung mikolehi jlaran pakanipun mboten gumantung kaliyan pakan parbrikan utawi pelet.
Ulam bawal menapadene grsacap mujudaken ulam toya tawar ingkang kathah sutresnanipun jalaran budidsayanipun langkung gampil lan mboten gumantung kaliyan pakan pabrikan. Tugino, saweneh pembudidaya ulam bawal, saking Minamartani, Sleman nganadaraken bilih jinis ulam ugi purun mangan manekawerni jnisi ron, kadosta, ron tela kaspa, ron pisang, engga lompong, kepara limbah saking balegriya. Kanthi mekaten asiling usaha budidaya ulam bawal menika temtunipun langkung mikolehi. Dipun akeni dening Tugino, menawi namung ngginaken pakan saking ron, tuwuhipun pancen langkung dangu kapandingaken menawi dipun pakani pakan pabrikan. Sinaosa mekaten menawi dipun raosasken dagingipun langkung eca lan keset kapandingaken kaliyan menawi dipun sukani pakan pelet, supados tuwuhaken langkung cepet ing saklebeting budidaya ulam bawal, tugino jamboraken kaliyan pakan pabrikan arupi pelet. Sinaosa mekaten peletipun namung sekedhik sanget, ing setunggal blumbang ingkang isinipun setengah kwintalan ulam bawal, namung dipun sukani pelet setunggal kilo saben dintenipun, sawetawis pakan ijeman mboten dipun watesi. Menawi dipun etang-etang ngginaken pakan ijeman minagka pakan tambahan, saged ngirit pakan pelet engga pitung dasanan persen. Kajawi dipun sade kilonan, blumbang menika ugi dipun tebasaken dening para bakul. Regi ulam baal gumantung kaliyan ageng lan alitipun, wiwit saking gansgal welas ewu dumugi sekawan dasa gansgal ewu rupiyah saben sekilonipun.
