TVRI YOGYAKARTA NEWS – WIDI-ROCHIM
Para pamirsa, Lepen Bedhog, gadhah potensi wisata ingkang saged dipun mekaraken kangge nikelaken drajat karaharjaning warga masyarakat. Salah setunggaling kados ingkang mapan ing Padukuhan Gatak, Tamantirto Kasihan Bantul.
Kados mekaten menika kawontenanipun, setunggaling papan ing Lepen Bedhog, pasipun ing laladan Padukuhan Gatak, Tamantirto Kasihan Bantul. Swasananipun edum eyum jalaran tasih kathahipun wit-witan ing sakwatengeninipun, kaendahaning alam ing papan menika saya nengesemaken nalika mirsani wontenipun ilining toya ing tengah-tengahing lepen ingkang dipun apit wontenipun sela ing siring tengan lan kiwanipun. Saking sela-sela kala wau ugi dumados setunggaling grojogan alit ingkanmg asalipun saking sumber toya ingkang wonten ing sakiwatengening lepen bedhog. Kawontenan ingkang mekaten menika saya ndamel edi penining lepen bedhog. Marwan tata laksana saking kalurahan tamantirto mratelekn bilih Sumber Daya Alam ing sak pinngiring lepen bedhog, pancen dreng dipun kemonah kanthi maksimal kangge nikelaken raharjaning warga. Ananging ing tembe ngajengipun papan-pana ingkang kados mekaten menika badhe dipun mekaraken dados jujugan wisata. Duk rika asemanten papan menika ugi nate badhe dipun dados aken punjering wisata tubing. Ing siring kidul ipun ugi sampun dipun bangun kanthi wontenipun dermaga, ingkang samangkenmipun sahged diopun mupangaatke dening pelancong ingkang badhe nindaaken tubing. Ananging jalaran kawontenan, lan dumadosing pageblug Covid-19, dermaga ingkang dipun bangun kala wau dados risak. Pamarintah Kalurahan Tamantiorto, gadhah rantaman, ing tembe ngajengipun kawontenan alam mnenika badhe dipunnkemonah, denig bumdes lan warga masyarakat ing sakiwatengenipun. Kanthi mekaten kaajab badhe saya nikelaken raharjaning warga, masyarakat, ing wewengkon Kalurahan Tamantirto.
