TVRI YOGYAKARTA NEWS – WIDI
Para pamirsa, kajawi saged dipun dadosaken taneman hias, kanyata who labu botol ugi gadhah bobot ekonomi inggil. Kajawi dipun mangsak, ugi saged dipun dadosaken manekawerni kerajinan.
Menawi dipun pirsani who labu menika temtunipun narik kawigatosan, jalaran cakrikipun nyleneh kadosdene setunggaling gendul utawi botol. Saking cakrik ingkang mekaten wau, taneman menika kaloka kanthi nama labu botol. Saweneh warga ing laladan ngayogyakarta ingkang wiwit setahunan menika nanem labu botol ingih menika TO Suprapto saking Margoluwih, Seyegan, Sleman. Ing saklebeting nanem labu botol menika ugi namung gampil, winih ingkang sampun tuwa dipun deder, sasampunipun tuwuh nembe dipun tanem ing lahan. Menawi tasih alit dipun siram enjing lan sonten sawetawis menawi sampun ageng cekap sepindah kemawon anggenipun nyirami. Taneman labu botol menika sampun wiwit mawoih nalika umur sekawan wulanan. Who ingkang tasih enem padatanipun dipun olah dados jangan, sawetawis menawi sampun tuwa lan garing dipun damel kerajinan, menawi badhe dipun damel kerajinan mbetahaken wekdal engga setahunan engga wit menapadene wohipun dados garing, anggenipun panen.
Ing tembe ngajengipun TO Suprapto badhe mekaraken taneman menika, lan wohipun badhe dipun dadosaken oleh-oleh utawi cindra mata arupi wadah toya menapadene kap lampu.
