TVRI YOGYAKARTA NEWS – WIDI
Para pamirsa, salah setunggaling jinis terong unggul lan gadhah bobot ekonomi inggil inggih menika terong pethak. Terong menika kandhutan seratlan gisinipun langkung inggil kapandhingaken kaliyan terong sanesipun.
Terong mujudaken setunggaling who ingkang kathah dipun mupangataken dening warga masyarakat saperlu dipun mangsak dados jangan. Kadang tani ing laladan DIY kathah-kathahipun nanem terong jinis ungu menapadene ijem. Ananging sak menika wonten varietas terong unggul ingkang gadhah bobot ekonomi inggil, inggih menika varietas terong pethak. Jinis terong pethak menika kalebet tasih langka. Terong pethak menika gadhah kalangkungan serat lan gisinipun langkung inggil, lan menawi dipun mangsak mboten gampil lonyot. Cara budidaya terong pethak menika ugi sami kaliyan jinis terong sanesipun. Ama ingkang asring ngrebasa inggih menika kepik. Cara ngendhaleni ama menika cekap dipun semprot mawi pestisida hayati ingkang dipun damel saking campuran, ron mindi, sata, sarta who mahoni. Taneman terong menika sampun mawoh sasampunipun katanem dangunipun kalih setengah wulan, lan jangka wekdal panen engga gangsal wulan. Saben setunggal wit menika saged ngasilaken engga kalih kilonan, kajawi katanem ing lahan konvensional ugi saged dipun tanem mawi polibag. A
