TVRI YOGYAKARTA NEWS – HENDRY
Para pamirsa, bayem brasil saged dados salah setunggalipun pilihan janganan ingkang saged dipun budidaya wonten ing pekawisan griya. Raosipun echa, seger lan ingkang baken gampil dipun budidaya.
Bayam brasil utawi ingkang asring sinebat selada masamba, mujudaken setunggaling taneman ingkang dipun mupangtaken ronipun kangge janganan, menapadene lalapan. Sinaosa dipun sebat bayem, ewa semanten mboten kadosdene bayem umumipun. Bayem brasil menika ronipun langkung kaku, sawetawis cakrikipun ugi radi mrungkel. Neni widuri saweneh warga Guwosari Pajangan Bantul ngandaraken bilih bayem Brazil menika saged dipun dadosaken pilihan sanesipun kanggenyekapi kabetahan janganan ingkang saged dipun olah kanthi manekawerni mangsakan. Kejawi menika pangrimatan taneman menika ugi gampil kemawon.
Ing saklebeting mbabar taneman bayem brasil menika saged lumantar stek batangipun . Wit ingkang sampun tuwa dipun kethok nembe dipun ceblokaken ing media tanem utawi ing lahan. Menawi dipun tanem ing polibag langkung sae menawi ngginaken rabuk porganik murni, lan ngendaleni ama lan sesakit ugi kedah alami, taneman menika gampil sanget dipun tanem. Anggenipun nyrirami cekap katindaaken kalihd intens episan utawi ningali kawontenan taneman. Kejawi menika rabuk ingkang dipun ginaaken langkung prayogi rabyuk kandang utawi organik ingkang saged ndamel asiling panen bayem menika langkung saras.
