TVRI YOGYAKARTA NEWS – WIDI
Kajawi werninipun ingkang narik kawigatosanan, kubis ungu ugi ngandhut vitamin, antioksidan ingkang inggil. Usaha budidaya kubis menika ugi sami kaliyan budidaya kubis pethak.
Kubis utawi kol ungu ing wekdal samenika kathah dipun padosi, minagka kangge jejangkeping bahan baken ndamel salad. Nguningani kathahing panyuwuanan, sugiyarto sawewneh kadang tani saking brengosan, ngaglik sleman ing pungkasaning wekdal menika wiwit nanem kubis ungu. Cara budidaya kubis ungu menika ugi sami kados dene kubis pethak umumipun, lan saged dipun babar lumantar wiji menapadene tumbas winih ingkang sampun dados. Taneman menika tuwuh kanthi sae ingh laladan pareden ingkang iklimipun tropis. Ing saklebeting budidaya lahan ingkang dipun ghinaken dipun damel bedengan langkung rumiyin kanthi ukuran wiyar sewidak engga wolung dasa sentiometer sawetwis inggilipun kawan dasanan sentimeter. Rabuk ingkang dipun ginaken inggih menika rabuk organik ingkang sampun dados kangge ngawekani ngrembakaning ama uret. Kangge ngirangi btuwuhing gulma saged nginaken mulsa plastik ing bedengan. Bab wigati ing saklebeting budidaya kubis ungu inggih menika nyirami taneman kanthi ajeg sampun ngantos lahan dados garing. Taneman kubis ungu menika sampun saged dipun panen 3,5 engga 4 wulan, ing pekenan pengaosing kubis ungu menika ngancik sedasa ewu rupiyah saben sekilonipun. Kubis ungu menika sampun dipun pendhet lan kathah-kathahipun dipun sade ing super market.
