TVRI YOGYAKARTA NEWS – HENDRY
Para pamirsa, menggahing kadang tani, taneman refugia menika mujduaken setunggaling cara kangge ngawekani kathahipun ama ingkang ngrebasa taneman pokok. Salah setunggalipun taneman refgugia inggih menika turi abrit.
Kados mekaten menika wujudipun taneman turi ingkang werninipun abrit. Menawi tasih alit sekaripun werni ijem, ananging sasampunipun mekrok dados abrit sanget. Kajawi dipun mupangataken sekaripun, ron turi ugi kathah dipun mupangataken dneing warga mingaka dados jejangkeping ubarampe wiwit. Taneman turi menika saged dipun babar lumantar wijinipun ingkang sampun tuwa lan garing. Wiji ingkang sampun tuwa kala wau sakaljengipun dipun deder langkung rumiyin, sasampunipun inggilipun kalih dsanan sentimeter nembe dipun pindah tanem. Ewa semanten menawi dipun tanem langsung ugi sampun saged tuwuh kanthi sae. Sri saweneh kadangtani ing Bantul ngandaraken bilih anggenipun ngrimat taneman menika kapetang gampil.
Kajawi dipun mupangtaken kangge bahan janganan, kanyata taneman turi ingkang dipun tanem ing sak pingiring mergi menika ugi dados salah setunggaling taneman refugia. Kanthi wontenipun taneman menika mengsah alami sami menclok ing taneman turi kangge pados pakanipun. Kanthi wontenipun taneman refugia turi abrit menika, taneman ingkang dipun tanem dening kadang tani kados samenika aman saking ama.
