TVRI YOGYAKARTA NEWS – ADI NUGROHO
Saking sakathahing jinis janganan ingkang regi lan panyuwunanipun ajeg sarta ngrimatipun gampil inggih menka sawi bakso jinis genjah utawi asring dipun sebat caisim.
Sawi mujudaken salah setunggalipun jinis taneman janganan ingkang panyuwunanipun kapetang inggil, mboten namung kangge kabetahan padintenan ing saben bale griya kemawon ananging ugi kanggenipun bakul daharan kadosta bakso, mie ayam, cap cay lan sakpiturutipun. Kejawi ngrimatipun gampil lan prasaja, umur sawi ingkangcekak menika ugi ados pawadan piyambak tumrapipun kadnagtani kangge purun mbudidaya sawi. Setunggaling kadang tani janganan ingkang wonten ing laladan ngaliyan jangkang kalasan ngandaraken tasih sekedhik kadnag tani ingkang purun mbudidaya sawi. Saged kawuningan, sawi mujudaken komoditas olah tetanen ingkang reginipun ajeg lan awis-awis sanget anjlog. Sinaosa nemahi regi ingkang radi sudha, sudhanipun ugi namung sekdhik kemawon. Sawetawis wedal kapengker sampun nate regi sawi menika nate namung kalih ewu rupiah kemawon nanging mboten dangu malih ugi ndedel malih. Kathah-kathahipun kadangtani ing laladan gesik bantul jngkang mbudidaya sawi bakso menika ngginaaken cara organik. Saengga kejawi aman dipun konsumsi ugi saged ndamel perangan siti menika dados langkung subur lan mboten ngrisak lingkungan. Setunggaling bab ingkang kedah dipun gatosaken inggih menika tuwuhipun gulma ing sakiwa tenganipun lahan. Gulma menika saged dipun bubut kemawon menapadene ngginaaken campuran rabuk kandang saking bucalan ayam kaliyan sekam bakar. Kekalih bahan wau lajeng dipun campur kaliyan siti ingkang badhe dipun ginaaken kangge nanem. Asilipun ing lahan kagunganipun menika mboten dipun gulma ingkang tuwuh ing saktengahing taneman. Ing pekenan, winih sawi menika dipun sade kanthi regi setunggal atus rupiah saben ijinipun.
