TVRI YOGYAKARTA NEWS – ADI NUGROHO
Dereng kathah ingkang mangertosi bilih kanyata sekar kapuk duri utawi asring ugi dipun sebat widuri, taneman gulma ingkang kahah tuwuh ing pinggir seganten menika gadah mupangat kathah.
Naminipun kapiuk duri nangin warga masyarakat asring ugi nyebat kanti nami widuri. Sinten ingkang nyana, nami widuri piyambak saestunipun dipun pundhut saking nami sekar werni ungu ingkang kathah tuwuh ing laladan pesisir. Sadanguning menika, sekar kapuk duri ugi namung dipun anggep minangka taneman gulma ingkang tanpa guna, mila ugi sekedhik kemawon ingkjang mupangataken. Nanging menggahing para kadang tani ternak jangkrik, taneman kapuk duri menika mujudaken taneman ingkang migunani sanget jalaran ron ipun mujudaken pakan utami jangkrik. Jangkrik ternakan ingkang dipun sukani ron kapuk duri saged tuwuh kanti langkung cepet lan suthangipun ugi mboten gampil prothol. Jangkrik ugi langkung awrat bobotipun kanti kandetan protein ingkang langkung inggil. Ing negari manca kadsta hawai, sampun limrah mupangataken sekar kapuk duri menika minangka reronce kalung sekar menapadene sekar potong. Kandetan zat ingkang woten ing salebeting oyot kapuk duri menika jangkep sanget, ing antawisipun sapogenin, kalotropin, uskarin, kalotoksin gigantic, kalactin sarta harsa ingkang migunani kangge ngusadani encok sarta lempoh, sesakit kusta, obat cekoh sarta gatel gatel. Taneman kapuk duri prasasat mboten mbetahaken cara ngrimat ingkang mirunggan. Sinaosa kaleresan tuwuh ing papn ingkang cengkar tanmean menika ugi saged mekar ngrembaka jalaran ronipun ingkang ngandet toya lan iyat kenging bentering suryo.
