TVRI YOGYAKARTA NEWS – WIDI-HARIF YUDA
Para pamirsa, kangge nyekapi kabetahan janganan mandiri kangeg kulawarga, salah setunggaling cara ingkang katindaken dneing saweneh warga saking Bawuran, Pleret Bantul inggih menika nanem jangnan ing galon tilasaing toya mineral.
Lahan ing laladan Bawuran, Pleret Bantul saperangan ageng mujudaken lahan ingkang gadhah ciri padas, saawetawis sitinipun namung tipis ing perangan nginggilipun. Kawonetnan ingkang mekaten menika tentu kemawon, taneman hortikultura sisah tuwuhipun. Nagwekani kawonetnan ingkang mekaten menika ngiras pantes mupanghtaken galon tilasing toya mineral saklejengipun, ari saweneh warga saking Bawuran, Pleret Bantul nindaken usaha tani ngginaken galon. Menggah caranipun ugi nanmung prasaja, galon toya tilasing toya mineral dipun kethok dados kalih pereangan. Perangan ngandhap ing sakupenganipun dipun bolongi, ananging sepalijhipun kemawon. Kethokgan galon perangan ngandhap dipun isi tiya, sawetawis kethokangalon peranmgan ngiggil dipun walik lan dipun isi media tanem igkang dumados saking siti, brambut pantun, sarta rabuk organik. Saklajengipun antawisipun galon perangan nginggil lan ngandhap dipun sawijekaken, nembe dipun tanemi winih taneman hortikultura. Menggah caranipun ngrimat ugi namung ngresiki gulma ingkang tuwuh ing media tanem, sarta saben kalih minggunan dipun tambah rabuk organik cair. Kaluwihan cara menika, ari mboten kedah nyirami tanemanipun saben dinten, jalaran pasudiyan toya sampun wonten ing galon perangan ngandhapipun. Wekdal sakmenika ari nanem lombvok, terong sarta tomat. Kanthi wontenipun usaha tani cara meniak piyambakipun saged ngirit beya kangeg blanja janganan.
