TVRI YOGYAKARTA NEWS – WIDI-HARIF YUDA
Umbut salak ingkang kabucal, dening siswa SMP Negeri 3 Turi Sleman, dipun olah dados gudheg umbut salak, ingkang raosaipun eca lan gadhah bobot ekonomi.
Laladan kabupaten sleamn mujudaken setunggaling lalaan ingkang kaloka engga manca negari, minagka punjering salak pondoh. Ananging jalaran kathahipun winih salak ingkang dipun ing peken sarta ing sakjawining laladan, ndayani regi salak pondoh saking sleman regiinipun medhak. Beya kangge ngrimat taneman mboten imbang kaliyan reginipun, wusananipun kadang tanio pembudidaya salak saperangan sami ngrombak tanemansalakipun dipun gantos kaliyan komoditas sanes, rumaos prihaiosa ningali kawontenan ingkang mekaten menika, siswa SMP Negeri 3 Turi Sleman gadhah ada-ada mupangatken umbut salak aperlu dipun olah dados mansgakan gudheg, lumantar cara menika ing pangangkah samangkenipun umbut ingkang kaanggeb barang igkang mobten miguna, saged dados barang igkang gadhah bobot ekonomi. Menggah caranipun ndamel, misahaken umbut ingkang sampun atos kaliyan umbut igkang tsih empuk. Nalika misahaken umbut menika keah ngatos-atos supados mboten kenging rinipun. Saklajengipun umbut salak kala wau dipun kethok-kethok alit. Menggah bumbunipun ngginaken kemiri, brambet, bawang putih, ketumbar, gendhis jawi, slam laos lan ron jati sarta santen. Ron jati menika gadhah mupangata supados werninipun dados langkung soklat. Bumbu ingkang cumawis dipun ulek engga alus, saampunipun menika seaya bahan wau dipun lebetaken lan dipun mangsak kalih dumugi tigang jaman.
Gudheg umbut salak menika eca sanget dipun dahar dados lawuh mawi sekul ingkang anget. Gudheg menika ugi saged dipun ambahi krecek lan tahu.
