TVRI YOGYAKARTA NEWS – WIDI-HARIF YUDA
Para pamirsa, gula semut saking Kulonprogo, ing wekdal samenika sampun dipun eksport dateng manca negari saengga saya nikelaken raharjaning warga. Gendhis semut ingkang dipun asilaken menika saking wit klapa ingkang dipun budidaya kanthi organik,
Laladan Padusunan Segajih, Hargotirto, Kokap, Kulonprogo, saperangan ageng warganipun sami nggegulang ing donyaning kerajinan kanthi ndamel gendhis jawi. Usaha ndamel kerajinan gula jawi menika sampun katindaken run tumurujn ing padusunan menika. Jumbuh kaliyan kamajenganing jaman kaliyan panyuwnan peken, gendhis jawi ingkang dipun produkis dening warga msyarakat menika saklajengipun lumantar setunggaling inovasi dipun olah malih dados gula semut. Salah setunggaling warga ingkang ndamel gula semut inggih menika Sutriyanto. Gendhis jawi ingkang dipun klempakaken saking pengrajin saklejengipun dipun olah dados jladrenan, engga cuwer malih, saklajengipun dipun olah lumantar cara mirunggan saengga dados gula semut. Produk inovatif menika kanyata gampilaken nalika nyimpen lan pangginanipun. Gendhis semut menika tahan engga setunggal tahun tanpa bahan pengawet. Saben wulanipun produksi gendhis semut ngancik setunggal ton. Gendhis semut menika kajawi dipun sade dateng kitha-kitha ageng ing pulo jawi lan bali ugi sampun dipun eksport. Gendhis semut menika gadhah khasiat kangge kasarasan, jalaran ngandhuit sukrosa langkung andhappa kapandhingaken kaliyan gendhis pasir.
Kajawi raos gendhis alami, ing wekdal sakmenika gula semut ugi sampun gadhah manekawerni raos, wiwit saking raos asli tanpa bahan tambahan, raos kunir putih, temu lawak, temu kunci, laos, kencur engga jahe, wonten ugi gendhis semut raos vanila lan kayu manis.
