TVRI YOGYAKARTA NEWS – WIDI-HARIF YUDA
Para pamirsa, salah setunggaling kupiya ngingah ulam, ananging ngirit toya lan produktifitasipun inggil, salah setunggalipun ngginaken teknologi bioflok.
Usaha budidaya lele bioflok menika dipun mekaraken dening Gunarto warga saking Sambe Rambe, Pakem Sleman. Wonten sedasanan blumbang ingkang kaginaken kangge ngingah lele bioflog ingkamngh dipun jamboraken kaliyan teknologi airator menika. Gunarto mratelaken bilih perkawis utami ing saklebeting ngingah ulam lele lumantar teknologi bioflok, inggih menika babagan ngemonah toya ngginaken probiotik. Sakderengipun toya dipun isi lele langkung rumiyoin dipun sukani dolomit, sarem grosok, molase sarta probiotik. Blumbang kasebat saklajengipun dipun leremaken setunggal minggunan engga sedasanan dinten engga werning toya dados homogen. Saklajengipun nembe dipun sebari winih uklam lele. Sawetawis pangrimatan ulam lele ingkang katindaken saben minggu inggih menika ngirangi toya udakawis sedasa engga gansgal welas persen. Bab uta,moi ingkang mboten saged ksupekaken inggih menika nambahi toya, dulomit, molase sarta probiotik sarta ulam mboten dipun sukani pakan sadangunipun kawan likur jam. Krida ingkang mekaten menika kedah ajeg katindaken saben minggu lan dintenipun kedah sami. Lumantar cara menika menawi padatanipun saben setunggal meter pesagi blumbang namung saged dipun isi selangkung iji winih ulam, lumantar cara menika kanyata saged dipun isi tikel kaping gansgalipun. Gunarto nambahken bilih prinsip utami ingkang dipun ginaken inggih menika tansah kacekapan oksigen tumprap ulam ingkang dipun ingah ing blumbang. Kanthi kacekapan oksigen wau ndamel nepsu manganipun ulam tetep inggil, saengga tuwuhing ulam ugi langkung cepet agengipun. Caranipun ndamel teknologi menika ugi namung prasaja sanget, blumbang ulam ingkang dipun damel saking terpal kanthi cakrik bunder menika, dipun sambetaken mawi pralon. Sasampunipun menika toya nembe dipun ubengaken mawi mesin airator. Ing jangka wekdal tigang wulan, ulam menika ugi sampun saged dipun panen.
