TVRI YOGYAKARTA NEWS – WIDI-HARIF YUDA
Para pamirsa, kangge ngrengga setunggaling blumbang, wonten salah setunggaling jinis taneman toya ingkang saged dipun budidayaaken inggih menika sekar lotus.
Sekar lotus utawi seroja mujudaken setunggaling taneman tahunan ingkang gesangipun ing toya. Taneman menika asalipun sakeing negari India lan dados lambanging negari, ananging saderengipun menika taneman lotus ugi sampun wonten ing jaman mesir kina ingkang dipun tanem sesarengan kaliyan sekar teratai. Tamenan sekar lotus menika saged geang ing sedaya iklim, kaajwi ing negari ingkang gadhah musim dingin, taneman lotus menika gesang ngambang ing toya, ananging oyotipun tuwuh engga ngandhap dumugi ing siti utawi lendhut kangge nyerep kandhutan nutrisi lan unsur hara. Ing laladan ngayogyakarta piyambak taneman lotus kathah dipun tanem kangge nambah endahing setunggaling blumbang, menapadene ing sak nagjenging gedhong, salah setunggling warga ingkang nanem sekar lotus inggih menika TO Suporapto saking laladan Margoluwih Seyegan Sleman. Ing blumbangipun menika dipun tanem sekar lotus werni jambon. Ing saklebeting nanem lotus menika saged ngginaken wiji ingkang sampuyn tuwa lan dipun deder langkung rumiyin, ing setunggaling ember ingkang dipun isis toya resik. Wiji ingkang sampun cumawis kala wau saklajengipun dipun lebetaken ing toya engga tuwuh oyotipun, lan toyanipun kedah dipun gantos sedinten kaping kalih. Sasampunipun tuwuh oyot ipun utawi kalih minggunan saampunipun dipun semai saged dipun pindahaken ing lahan ingkang langkung wiyar. Mboten wonten pangrimatan ingkang mirunggan ing saklebeting nanem lotus, ingkang kedah dipun waspadani inggih menika ama uler ingkang mangan ronipun. Kajawi saking wiji, mbabar taneman sekar lotus ugi saged ngginaken anakan ingkang tuwuh saking indukanipun.
