TVRI YOGYAKARTA NEWS – WIDI-YUDA
Manekawerni kupiya katindaken dening kadang tani supados asiling usaha tani mliginipun ternak asilipun saya tikel tekuk. Salah setunggalipun inggih menika ngawin-silangaken menda unggul kanthi pangangkah asiling produksi susu saya kathah.
Kridhaning kadang tani ing Ngayogyakarta pancen ngedab-edabi, manekawerni kupiya kangge nikelaken asiling produktifitas usaha taninipun tansah katindaken. Salah setunggalipun kados ingkang katindaken dneing kadang tani ing laladan Trayu, Ngargosari, Samigaluh, Kulonprogo ingkang ngawin silangaken antawisipun meda jinis shanen kaliyan menda saphera. Menda shanen mujudaken salah setunggaling jinis menda ingkang asalipun saking lembah shanen, negari swiss. Menda menika gadhah kaluwihan ukuranipun ageng sarta saged ngasialekn susu ingkang langkung kathah kapandhingaken kaliyan menda sanesipun, sawetawis menda shapera mujudaken menda asiling kawin silang antawisipun menda etaawa kaliyan menda shanen asil panalitenipun balai penelitian terna–balitnak. Produsinipun susu menda shapera ngancik setunggal setengah dumugi kalih liter saben dintenipun, nur rahmad pangesuhing kandang ing rahjendra farm mratelaken bilih saking asiling kawin silang antawisipun saanen lan saphera menika ing pangajab anankipun samangke saged ngasilaken susu ingkang langkung kathah tiga engga sekawn liter saben dintenipun.
Kanthi saya kathahipun produksi susu, ing pangangkah saged nyekapi kabetahan susu menda ing laladan diy ingkang gilir gumantosing wekdal saya inggil. Ingkang wigati malih saya kathahing asili susu temtunipun ugi badhe saya nikelaken wulu wetuning kadang tani, anakan kawin silang menda shanen lan saphera menika saperangan ugi sampun dipun sade dhumateng kadang tani kanthi regi sekawan yutanan kangge calon babonan umur sekawan wulanan.
