TVRI YOGYAKARTA NEWS – WIDI-YUDA
Para pamirsa, ngajengi preen natal lan tahun baru, jujugan wsiata ing laladan Kabupaten Gunungkidul sampun wiwit regeng saking pelancong. Wisata pesisir tasih dados papan ingkang kathah dipun datengi, salah setunggalipun niggih menika peisisr Kukup lan Mesra.
Peisisr Kukup dumunung ing Desa Kemadang Kapanewon Tanjungsari, Kabupaten Gunungkidul. Pesisir menika tasih setunggal alur kaliyan Pesisir Baron, Mesra, Sepanjang, Drini, sundak lan sakpiturutipun. Pesisir kukup gadhah sesawangan ingkang endah, mboten kawon kaliyan pesisir sanesipun, jalaran gisikipun ingkang wiyar kanthi wedi pethahk ingkang narik kawigatosan, mboten namung menika kaendahaning pesisir kukup ugi dipun tambah kanthi wontenipun pareden ingkang ngupengi, pesisir menika. Ing gisiking samodra wonten setunggaling sela karang ingkang kadosdene plataran mlebet ing seganten. Nalika toya seganten nembe surut, para pelancong saged mirsani wontenipun terumbu karang lan manekawerni biota seganten kadosta ulam-ulam alit menaapdene rumput laut. Kajawi ningali kaendahaning terumbu karang sarta ulam, para pelancong ugi aged dolanan ing pinggir segantenn ingkang toyanipun anteng jalaran sampun dipun pecah kanthi wontenipun plataran karang wau. Sinaosa mekaten para pelancoing ugi kedah ngatos-atos ja;aran wontenipun terumbu karang ingkang mboten radin lan lincip saengga saged ndamel tatu ing dlamakan. Ingkang narik akwigatosan ing pesisirt kukup inggih menika wontenipun setunggaling pulokarang ingkang dumunung ing sireng wetan. Pulo karang menika mboten tebih saking perenganing pesisir, lan wonten setunggaling kreteg ingkang nyambetaken. Ngendhangi jujugan wisata menika, para pelancong sampun ngantos ajrih menawi luwe, jalaran ing sakiwatengening mergi mlebet vugi sampun cumawis wande-wande ingkang yawisaken daharan ulam. Gunawan saweneh pelancong saking sleman ngandarken bilih piyambakipun remen ngendhangi pesisir kukup jalaran kawontenanipun resik lan pengelolanipun ugi sae.
Ing pungkasaning tahun nmenika gungguing pelancong ingkang ngendhangi papan menika ugi sampun mindhak. Bab ingkang mekaten menika ndayani wande daharan lan papan panyipengan kebak saking pelancong. Mboten namung menika, potografer ing Pesisir Kukup lan Pesisir Mesra ugi pikantuk berkah saking kathahipun pelancong ingkang sami poto.
