TVRI YOGYAKARTA NEWS – WIDI-YUDA
Para pamirsa, kajawi kangge nyekapi kabetahan gisi kulawarga, limbah toya lele kanyata saged dipun mupangatken kangge nyirami taneman anggur. Lumantar cara menika kadang pembudidaya anggur ugi saged ngirit nbeya kangge tumbas rabuk.
Ulam lele mujudaken setunggaling jinis ulam toya tawar ingkang sampun kathah dipun budidayaaken dening warga masyarakat. Budidaya lele menika saged majeng kanthi sae jalaran saged dipun budidayaaken ing lahan lan sumber toya ingkang winates kepara ngginaken terpal kanthi nyebar winih ingkang kathah. Wonten maneka werni jinis lele ingkang saged dipun budidayaaken antawisipun lele dumbo lan sangkuriang, engga mutiara. Asil ingkang maremaken ing saklebeting budidaya lele menika sampun karaosaken dening Ibu Siti, warga saking Plumbungan, Bambanglipura Bantul. Piyambakipun mratelaken bilih usaha budidaya lele menika ubenging ekonomi cepet jlaran ing jangka wekdal tigang wulan saking winih ukuran setunggal nyari sampun saged doipun panen siyaga konsumsi. Budidaya lele mekaten gampil lan mboten mbetahaken toya ingkang kathah, ingkang dados pepalang inggih namung awising pakan utawi peletipun. Usaha budidaya lele ingkang katidaken dneing ibu siti menika, nyawiji kaliyan tanbeman anggur. Dening ibu siti toya blumbang lele menika dipun kirangi saben seminggu sepindhah, toya blumbang menika sakljengipun dipun mupangatken kangge nyirami taneman anggur ingkang dipun budidayaakenn ing pekawisanipun. Toya ingkang ngandut bucalan lele lan sisa sisa pelet menika kanyata ugi ndamnel saya suburipun taneman angguripun. Kanthi dipun siram mawi toya saking blumbang lele menika saged ngirit beya kangge tumbas rabuk. Kajawi kangge nyekapi kabetahan gisi kulawarganipun, lele ingkang dipun asilaken menika ugi dipun sade dhumateng bakul.
