TVRI YOGYAKARTA NEWS – JATMIKO HADI
Pareden Menoreh Kulonprogo nyimpen sawetawis papan ingkang ngemu sujarah ingkang dumugining wekdal sak menika dereng dipun mangertosi ngakathah, salah setunggalipun inggih menika bukit keker, ingkang jaman kawuri dipun mupangataken dening para pejuwang kangge ndelik lan ngawasi mengsah.
Bukit Keker dumunung ing laladan Pareden Borosewu, pasipun ing Dusun Boro, Kalurahan Banjarasri, Kapanewon Kalibawang, Kulonprogo. Sasampunipun nglangkungi mergi ingkang njulek, para pelancong badhe dumugi ig setunggaling pareden alitsaking sela. Sinaosa papanipun ndelik lan mboten kathah ingkang mangertosi, bukit keker kanyata nyimpen sujarah ingkang wigati nalika dumados perang gerilya nalika agresi militer walandi ingkang kaping kalih tahun 1948-1949. Miturut mustoyo saweneh warga ngandaraken bilih, ing papan menika para pejuwang lan petinggi militer kadosta Jendral AH Nasution, ndelik. Papanipun ingkang langsung ngarah ing laladan kitha ngayogyakarta siring kilen, ndamel papan menika methok sanget kangge mngertosi mengsah saking katebihan. Mboten maiben bilih papanmenika sinebat bukit keker, ingkang tegesipun pareden kangge nginjen utawi nropong.
Sinasoa mboten kathah dipun datengi, pelancong, bukit keker dipun jagi lestantunipun dening warga ing sakiwatengenipun. Ing acara tinamtu kadosta pitulasan papan menika asring kangge nggelar acara saperlu ngenget-enget sujarah papan menika, minagka papan kangeg ngeker mengsah inggih menika walandi.
