TVRI YOGYAKARTA NEWS – MUCHAMMAD RIDWAN
Dasanan siswi saking sekolah menengah kejuruan, nyartani uji kompetensi mata pelajaran tata kecantikan kanthi nyegahaken kaprigelanipun dados juru paes ing ngajengipun para guru.
Kados mekaten menika krida uji kompetensi mata pelajaran tata kecantika ingkang dipun tindakaken ing sekolah menengah kejuruan SMK YPKK 3 Sleman, ingkang mapan ing kapanewon ngemplak sleman. Kanthi tlatos lan sabar, para siswi menika sami ngrias rencangipun ingkang dipun dadosaken model. Asilipun ugi mboten kawon kaliyan juru paes profesional. Kajawi nyegahaken kaprigelan ing saklebeting juru paes, para siswi menika ugi kedah jamboraken kaliyan busana adat tradisional ingikang wonten ing indonesia wiwit saking sabang engga merauke. Bab menika laras kaliyan irah–irahan ujin kompetensi tahun mneika inggih menika nagri nuswadapa abirupa. Sak sampunipun purna anggenipun ngrias lan ngagem busana adat, para model menika lajeng nyegahaken asil karya para siswi ing sak nginggiling panggung ingkang sampun dipun tata ing pendopo kalurahan wedomatrtani kapanewon ngemplak menika. Fiana alfia salah saweneh siwi ngandarekn bilih kanthi wontenipun uji kompetensi menika piyambakipun ngajhab, saget mangertosi kualitasipun ing saklebebting nindakaken pakaryan juru paes, saengga mneawi wonten ingkang kirang piyambakipun tansah ningkataken malih anggenipun sinau babagan jru paes menika. Kanthi anggadahi setunggaling keterampilan menika, para siswa dipun ajab saget gesang mandiri sak sampunipun lulus saking pawiyatan.
