TVRI YOGYAKARTA NEWS – SETYA BUDI
Jawah deres ingkang dumados sawetawis wekdal pungkasan menika, ndamel lahan olah tetanen gadahanipun kadang tani ing kalurahan wiladeg Kapanewon Karangmojo Kabupaten Gunungkidul kembong toya. Bab menika ndamel kadang tani mboten saget ngolah lahan pesabinanipun.
Salah setunggaling lahan pesabinan ingkang kapangaribawa jawah deres ing pungkasaning wekdal menika, inggih menika ing laladan padukuhan nglampar kalurahan wiladeg Kapanewon Karangmojo Kabupaten Gunungkidul. Toya saking irigasi luber ing lahan olah tetanenipun kadang tani, ingkang ndayani sabin gadahanipun kadang tani menika sami kebong toya. Salah saweneh kadang tani sarpin ngandaraken bilih kaowntenan kados mekaten menika ajeg dumados saben tahunipun, mliginipunnalika mlebet ing mangsa rendheng. Lahan pesabinanipun kadang tani ingkang langkung andhap kabandingaken saluran irigasi, dipun dugi ingkang mangaribawani sabin gadahanipun kadang tani menika kebong toya. Kawon tenan meneika ndayani langkung saking 3 hektar lahan pesabinan ing laladan wiladeg dumugining wekdal sakmenika dereng saget dipun garap lan dipun tanemi komoditas taneman. Saben tahunipun lahan pesabinan ing laladan menika namung saget dipun garap kaping kalih mangsa tanem. Ingih menika ing wulan Juni lan ing mangsa rendheng.
Sarpin ngajab dumateng bebadan ingkang kawogan saget paring pambiyantu nrenggalani bena ingkang ajeg dumados saben tahun menika. Piyambakipun ndugi bilih kawontenan saget wangsul nurmal malih nalika mlebet ing purwakaning wulan Maret.
