TVRI YOGYAKARTA NEWS – SETYA BUDI
Kanthi pangrimatan ingkang estu, kadang tani saget pikantuk asil panen lombok ingkang martemaken sinaosa dipun tanem ing mangsa jawah. Kados ingkang dipun raosaken dining salah setunggaling klempakan tani ing laladan Kapanewon Playen Kabupaten Gunungkidul menika.
Lombok dados salah setunggaling komditas taneman ingkiang ringking sanget kinging toya jawah. Ananging kanthi pangrimatan ingkang setiti, taneman lombok saget produktif sinaosa dipun tanem ing mangsa jawah lan cuaca ekstrim. Kados inghkang dipun tindakaken dining kelompok tani jaka barek saking laladan kalurahan gading Kapanewon Playen Kabupaten Gunungkidul menika. Taneman lombok jinis kriting varietas tangguh ingkang dipun tanem kadang tani saget tuwuh subur lan asilipun maremaken. Depri Eka Purwanto salah saweneh kadang tani atur panyaruwe, bilih kasilipun kadang tani ing laladan menika budidaya lombok ing mangsa rendeng inggih menika awit saking pangrimatan ingkang sae. Mboten namung menika nalika nyiagakaken lahan kangge nanem lombok, kadang tani ndmale bedenbgan ingkang langkung inggil kabandingaken padatan. Bab menika kangge ngawekani taneman lombok supados mboten kining bena utawi kembong toya. Ilen – ilen utawi irigasi ugi kedah dipun gatosaken supados ilining toya irigasi saget gancar lan mboten ndmale taneman utawi oyot lombok dados bosok. Sawetawis kangge njagi kelembabab siti, bedengan dipun pasangi mulsa plastik, lan rabuk ingkang timbang. Kadang tani ugi langkung greteh anggenipun niti priksa taneman lombokipun, saengga menawi wonten taneman lombok ingkang kinging virus utawi penytakit kedah enggal – enggal dipun kendaleni.
Kanthi pangrimatan ingkang estu, taneman lombok ingkang sampun umur 80 dinten menika sampun siyaga dipun panen.
