TVRI YOGYAKARTA NEWS – HENDRY
Ing mangsa rendeng menika kathah kadang tani sami nindaaken budidaya taneman janganan. Manekawerni taneman janganan dipun budidaya ing pangajab saged pikantuk asil ingkang sae.
Mlebet ing mangsa rendheng kadang taniwiwit nindaaken budidaya taneman janganan. Sekawit nalika ing mangsa ketiga kadang tani ing bantul kathah ingkang nanem lombok, ananging sakmeika kathah ingkang langkung milih nanem janganan. Pawadanipun supados gunggunging toya jawah motenndamel risak taneman olah tetanen. Manekawerni taneman janganan dipun budidaya, salah setunggfalipun inggih meika taneman kangkung. Kangkung menika idpun pilih amargi panyuwunan peken ingkang taksih inggil. Taneman kangkung menika dipun tanem wonten ing lahan pesisir ingkang temtunipun kedah dipun kemonah kanthi mligi. Gunggunging taneman kangkung ingkang dipun budidaya kapetang kathah, ananging pancen mboten dipun tanem kanthi sesarengan. Sakderengipun dipun tanemi kangkung, lahan gadahanipun menia mujudaken lahan ingkang dipun ginaaken kangge nanem lombok. Ananging ing mangsa tanem menika sedayanipun dipun rombak lan dipun gantos taneman kangkung. Kangge kabetahan toya kadang tani smapun migunaaken sumur bor ingkang ngginaaken tenaga listrik. Ngginaaken tenaga listrik menika langkung mirah menawi kapandingaken kaliyan ngginaaken bensin. Setunggal atus ewu pulsa listrik meika saged kangge nyirami setengah wulan dangunipun. Kangkung menika saged dipun panen sasampunipun umur selangkung dinten nalika ing mangsa ketiga, ananging nalika ing mangsa rendheng kados ing wekdal sakmenika saged dipun panen ing umur tigang dasa dinten. Ing wedal tigang dinten, kangkung menika sampun tuwuh inggil malih.
