TVRI YOGYAKARTA NEWS – WIDI-HARIF YUDA
Para pamirsa, menawi panjenengan badhe ngenggar-enggar penggalih sinambi ningali sesawanagan alam ingkang ijo royo-royo, panjenengan saged ngendhangi Bukit Tinatar ing Dusun Jolosutra, Srimulyo Piyungan Bantul.
Gungguning jujugan wsiata ing Kalurahan Srimulyo Piyungan Bantul ing pangkasaning wekdal menika saya ngremabaka. Wekdal menika wonten pitulas jujugan wisata ingkang kabage ing kategori embrio menapadene berkembang. Pokdarwis gerbang madu saking Kalurahan Srimulyo tansah kupiya mekaraken jujugan wisata ing ladanipun kangge nikelken raharjaning warga masyarakat. Ing tahun menika pokdarwis gerbang madu nembe mrenata salah setunggaling wisata pareden ingkang tasih ing tataran embrio, inggih menika Bukit Tinatar. Bukit Tinatar mujudaken salah setunggaling jujugan wisata ingkang nyegahaken sesawangan alam ingkang dumunung ing Padukuhan Jolosutra. Papan menika dipun kupengi jujugan wisata kadosta Watu Amben, Bukit Bintang, Wana Pinus Pengger. Papan menika pasipun ing sak ngandhaping jiujugan wisata religi sunan geseng, ngendhangi bukit tinatar menika para, pelancong kedah mlampah ing undhak-undhakan ingkang kapetang inggil. Sinambi lumampah para pelancong saged amirsani sesawangan alam mliginipun wontenipun lahan pesabinan ingkang ijo royo-royo. Sak dumugining ing pucuking pareden para pelancong saged mirsani pareden ingkang wonten ing akiwatengenipun, sarta redi merap ing siring ler. Ing papan menika ugi sampun dipun jangkepi, wontenipun papan kangge nindaaken swa photo, menapadene gasebo. Ing saklebeting mekaraken jujugan wisata menika pihak pamarintah desa sri mulyo lumantar Pokdarwis gerbang madu, tembayatan kaliyan setunggaling pawiytan luhur. Kangge anyengkuyung wontenipun jujugan wisata menia pengelola badhe mekaraken wontenipun kebon anggur ingkang dipun manunggaaleknkaliyan krida wisata saengga saged narik Bukit Tinatar.
