TVRI YOGYAKARTA NEWS – JATMIKO HADI
Ing mangsa preen natal lan warsa enggal utawi nataru tahun menika para bakul ing peken tradisional jombokan kapanewon pengasih kabupaten kulonprogo sami sambat awit sepenipun warga ingkiang sami tumbas kabetahan ing peken.
Sepenipun krida dol tinumbas ing Peken Tradisional Jombokan Kapanewon Pengasih Kulonprogo menika sampun dumados pungkasaning wekdal menika. Menawi padatan ing mangsa preen natal lan warsa enggal peken tradisional tansah regeng saking krida dol tinumbas, ananging ing tahun menika ing preen panjang nataru kawontenanipun sepen. Bab menika mangaribnawani mandhapipun omset sesadeyan para bakul ing Peken Tradisional Jombokan. Winarti salah saweneh bakul sembako ing Peken Tradisional Jombokan ngandaraken, bilih sepenipun krida dol tinumbas ing Peken Tradisional Jombokan menika dipun dugi amargi katah saking warga masyarakat ingkang sami tumbas kabetahan pokokipun lumantar para bakul ingkang sami mubeng ing dusun–dusun. Dereng malih wontenipun toko on line ingkang ndamel sesanggemanipun para bakul peken tradisional saya awrat. Kawontenan ingkang sami ugi dipun andaraken ngatinem. Piyambakipun ngakeni bilih sampun sawetawis wekdal menika omset daganganipun medhak kabandingaken sakderengipun. Menawi kawontenan nurmal saben dintenipun ngatinem saget pikantuk asil 800 ewu dumugi 1 yuta rupiyah, sakemnika namiumung pikantuk 200 ewu rupiyah kemawon saben dintenipun.
Kanthi kawontenan ingkang mekaten menika para bakul namung saget ngajab dumateng pemerintah lan bebadan ingkang kawogan, langkung nggatosaken malih para bakul ing peken tradisional, supados saget tansah lestantun, lan mboten kawon kaliyan toko moderen lan on line.
