TVRI YOGYAKARTA NEWS – ADI NUGROHO-WENDY
Para pamirsa salah setuinggalipun rabuk alami ingkang kandhetan nitrogenipun mboten kawon kaliyan rabuk kimia, inggih menika rabuk organik saking ron gamal.
Menggahing kadang tani, pikantuk asil olah tetanen ingkang kathah, regi seadeyan ingkang sae sarta ngirit beya produksi mujudaken setunggaling gegayuhan piyambak. Saya malih ngajengi jaman kados wedal sakmenika ingkang sekedhik sekedhik kedah ngedalaken beya, kalebet beya kangge tumbas rabuk. Kadang tani ugi gadah cara piyambak kangge saged mupangataken rabuk alami kangge nyengkuyung asil produksi olah tetan ingkang saged ngasilaken sae, salah setunggalipun kanti mupangataken rabuk organik, sae meniak rabuk saking bucalan iwen menapadene rabuk organik arupi kompos saking ron ronan taneman tinemtu ingkang gadah kandetan nitrogen inggil. Ron gamal saklajengipun dados pilihan ipun para kadnag tani jalaran ing salebeting ron gamal menika kakandet unusr nitrogen ingkang inggil sarta kebak ing unusr hara sanesipun ingkang migunani sanget menggahing olah tetanen, saya malih kangge rabuk taneman enggal asil saking dederan, rabuk ron gamal mneika murakabi sanget. Inggih bab menika ingkang dipun tindhaken dneing kathah kadnag tani ingkang wonten ing lahan gesik pesisir kidul. Kejawi ngirit beya, kanyata ngginaaken rabuk organik ron gamal meniak ugi nyengkkuyung snaget lestantunipun siti jalaran nyudha ngginaaken rabuk kimia ingkang danguning dangu damel siti tansaya cengkar. Caranipun ugi gampil kemaown, ron gamal namung dipun sebar ing sakinggiling siti mekaten kemaown lan wusananipun ugi badhe bosok piyambak jumbuh kaliyan lampahing wedal. Asikipun, para kadang tani ing lahan gesik ugi samnpun ngraosaken piyambak. Saweneh kadang tani ugi waleh, ngayahi pedamelan minangka kadnag tani pancen kedah greteh lan kreatif mupangataken samukawisipun kangge saged nikelalen wulu wedal olah tetanen, salah setunggalipun mupangataaken ron gamal menika kange rabuk ingkang kayekti sae sanget kangge tuwuh mekaring taneman.
