TVRI YOGYAKARTA NEWS – WIDI-YUDHA
Para pamirsa, ing Kapanewon Kasihan Bantul wonten satunggaling sumber toya ingkang dumugining wekdal sakmenika tasih dipun lestantunaken dining warga masyarakat, inggih menika sendang semanggi.
Sendang Semanggi utawi Sendang Titis, dumunung ing Padusunan Sembungan Kalurahan Bangunjiwo Kapanewon Kasihan Bantul, pas ipun ing sak celaking goa maria kasihan. Miturut anto juru kunci sendang semanggi mratelakaken, miturut carios ingkang tuwuh ngrembaka ing masayrakat, sendang ingkang tasih alami menikamujudaken sumber toya ingkang sampun wonten saking jaman penjajahan. Dumugining wekdal sakmenika sendang semanggi tasih dipun rimat lan dipun mupangataken warga masyarakat. Sumber toya sendang semanggi piyambak wonteng ing sak ngandaping wit preh lan ringin ingkang wiyaripun namun sekawan meter persagikemawon. Sawetawis lebetipun toya ngancik setunggal setengah meter. Miturut anto, toya ing sendang semanggi menika mboten nate asat senadyan wonten ing mangsa ketiga. Kangge sabagean warga sendang menika dipun dadosaken papan wisata religi. Warga ingkang datengi papan menika mboten namung saking laladan diy kemawon, nanging ugi wonten ingkang saking Jawa Tengah lan Jawa Timur. Warga masyarakat ing sak kiwotengenipun sendang menika sampun sarujuk, badhe tetep njagi lan nglestantunaken sumber toya menikakangge pagesangan.
