TVRI YOGYAKARTA NEWS – WIDI-YUDA
Para pamirsa, sanggar tari kembang sore nggelar gladen lan ujian beksan dhumateng para pasarta saking sedaya cabang sa-DIY, jawa tengah lan Jawa Timur. Krida ingkang katinadken kalih dinten meika dipun adani ing ing Gedung Balai Penjaminan Mutu Pendidikan BPMP di Yogyakarta.
Gladehen beklsan ingkang dipun adani dening sanggar tari kembang sore Indonesia pusat Ngayotgyarata menika sinartan atusan para juru beksa, guru tari, guru seni budaya, pegiat seni lan seniman, kaleksanan ing gedung balai penjaminan mutu pendidikan bpmp di yogyakarta. Menggah katergori gladen menika dumados saking pramadya, madya, utama engga lanjut. Para pasarta menika kanthi greget ingkang inggil sami negbahaken badan ingkang jumbuh kaliyan suantening gendhing ingkang dipun ungelaken. Para juru beksa menika sami maraggaken manekawerni beksa wiwit saking beksan gebyar engga beksan tekate lan sak piturutipun, ingkang sampun dipun sinau sadangunipun pelatihan utwi gladen. Sawetawis juri nipun dumados saking para jumhuring beksan, kangge mesthekaken standart kualitas ingkang sae. Reki lestari penanggel jawab lan instruktur utama pusat kembang sore mratelaken bilih gladhen lan ujian tari ingkang sinartan sedaya cabang kembang sore menika ing pangangkah para juru beksa menika saged nikelaken kompetensi lan bobot beksanipun.
Reki lestari nambhaken bilih ujian beksan menika ugi mujudaken peranganing lan kyupiyanipun sanggar tari kembang sore ing saklebeting ngelstantunaken lan mekaraken seni tari tradisional sarta nglairaken juru beksa ingkang gadhah bobot sae utawi berkualitas.
Sanggar tari kembang sore piyambak madheg ing tahun sewu sangang atus wolung dasa sekawan, ing tulung agung ingkang dipun pandhgani dening swargi bapa untung mulyono. Ananging jalaran duk rikala semanten swargi bapa untung mulyono ngudi ngilmi ing asti, ngayogyakarta, saklajengipun piyambakipun mekaraken sanggar tari kembang sore ing ngayogyakarta. Engga sepriki cabang sanggar tari kembang sore sampun sumebar dumugi sak indenging kitha ing nuswantara. Atusan beksan ugi sampun karipta dening para jumhuring beksa ing sanggar tari kembang sore, inglamng sedayanipun mujudaken beksan kreasi baru. Kupiyanipun sanggar tari kembang sore ing saklebeting njagi lestantuning budaya, mujudaken setunggaling krida ingkang saged dados tuladha, dhumateng sok sintena kemawon, budaya mekaten dados ciri setunggaling bangsa, sinten malih ingkang badhe njagi kajawi kula lan panjenengan.
