TVRI YOGYAKARTA NEWS – JATMIKO HADI
Sak sampunipun sawetawsi wekdal para bakul daging lan ulam ing Peken Wates dipun relokasi amargi los daging dipun pugar, sakmenika para bakul sampun pindah malih ing los daging lan ulam amargi sampun purna anggenipun ngrehab.
Kados mekaten menika kawontenanipun los daging lan ulam peken wates sak sampunipun dipun rehab. Kawontenan los langkung resik lan wiyar saengga dipun ajab saget ningkataken malih ubenging ekonomi ing Peken Wates Kulonprogo. Mboten namung bangunan pekenipun ingkang dipun pugar ananging meja para bakul ingkang sakderengipun namung ginakaken kajeng sakmenika dipun gantos mawi kramik ingkang dipun jangkepi nwastafel. Kajawi menika saluran drainase ugi dipun sempurnakaken saengga gampilaken para bakul anggenipun mbucal limbah. Kanthi purnanipun renovasi los daging peken wates menika pikantuk kawigatosan ingkang ageng saking para bakul lan warga masyarakat ingkang sami ngendangi peken tradisional wates saperlu pados kabetahan pokok keluwarganipun. Kawontenan peken langkung tumata lan krida dol tinumbas langkung nyaman.
Kawuningana bilih los daging lan ulam peken wates menika dipun pugar dining dinas perdagangan dan perindustrian kabupaten kulonprogo wiwit sawetawis wulan pungkasan.
