TVRI YOGYAKARTA NEWS – WIDI-YUDA
Kangge njagi ketahanan pangan, warganing masyarakat kedah nikelaken mupangat pekawisan dados lahan ingkang produktif. Salah setunggaling lumantar lumbung mataramenan, ingkang gadhah sesanti hamemayu hayuning bawono, sangkan paraning dumadi sarta manunggaling kawula gusti.
Raharjaning setunggaling negari salah setunggalipun saged dipun pirsani saking daya kekiyataning warga masyarakat ing saklebeting nyekapi kebetahan panganipun. Salah saweneh warga ingkang sampun ngetrepaken konsesp mupangataken lahan pekawisan kangge nyekapi kabetahan pangan kala wau inggih menika To Suprapto saking Mandungan, Margoluwih, Seyegan, Sleman. Ing lahan ingkang wiyaripun udakawis sewu meter pesagi menika dipun mupangataken kangge nindaken usaha tani wiwit saking usaha budidaya taneman, perikanan, engga ngingah manekawerni jinis iwen. Bab menika jumbuh kaliyan sesantinpun To Suprapto“, mangan apa sing ditandur, nandur apa sing dipangan”, kaluwihan ngetrepaken konsep mangan apa sing ditandur, nandur apa sing dipangan inggih menika, kabetahan pangan kulawarga saged dipun cekapi piyambak wiwit saking karbohidrat, protein engga vitaminipun. Menggah mupangatken lahan kangge budidaya manekawerni bahan ketahanan pangan tumuju kemandirian pangan kangeg kedaulatan ekonomi dipun kupoiyaaken lumantar taneman ingkang dipun panen arupi oyot, wit, ron, sekar lan who, budidaya iwen arupi ayam, kambangan, entok, perikananipun arupi sisik lan non sisik, raja kaya lembu menda maesa sarta triwelu. Lumantar cara menika saged pikantuk wulu wektu dintenan, setunggal wulan, kalih wulan kepara tahunan. Dipun tambhaken dening To Suprapto bilih konsumsi janganan lan woh-wohan seger ing sak tengahing kulawaga kalebet andhap, saengga kupiya ingkang nyata kedah kartindaken kangge nikelaken konsumsi keberagaman pangan ingkang sehat. Menawi warga masyarakat sami nindaken konsep “nandur apa sing dipangan lan mangan apa sing ditandur”, kedaulatan pangan lan swasembada pangan saged kawujud, wusananipun mboten gumantung kaliyan negari sanes.
