TVRI YOGYAKARTA NEWS
Para pamirsa, warganing Karang Taruna Padukuhan Mrunggi, Sendang sari , Pengasih Kulon Progo sami ngadani kerja bakti utawi gotong royong ngersiki lapangan saperlu kangge cecawis sholad idul fitri 1445 hijriyah.
kados mekaten kridhning warganing karang tarunan saking pedukuhan mrunggi , sendang sari pengasih kulon progo, mliginipun saking rt nem likur nalika nindakaaken gugur gunung utawi gotong royong, ngersiki lapangan ing sak nagjenging SD Sendang sari ingkamngs amanhgkenipun badhe kagfinaklaen kangge indaken sholat ied 1445 hijriyah. Bentering sunaring surya mboten dipun raosaken dening warganing karang taruna ingkang kabiyantu kaliyan warga sanesipun. Kanthi suka renaning manah lan greget gotong royong ingkang inggil warga masyarakat mboten sami sambat menapadene nggresula. Uwuh-uwuh ingkang woten dipun pendeti lan dipun klempaaken ingkang sakalejngipun dipun kemonah. Sasampunipun resik nembe dipun sukani kapur ingkang samangkenipun kangge shaf sholad ied. Raos sesarengan dados setunggaling tangsul ingkang kiyat ing antawisipun warga msyarakat nalika anglampahi gesang bebrayan ing satengahing masyrakat .greget gotong royong ingkang dipun tindaken dening warga masyarakat saking tlatath mrunggi sendang sari pengasih menika sampun katanem ing salebeting gesang bebrayan agung, kawit jaman kawuri. Kridha ingkang kados mekaten menika sampun dipun tindaken minagka peranganing gesang ingkang dipun warisaken saking para leluhur.
Mboten namung nalika reresik lapangan kemawon ing salebeting ninfdaken gotong royong ananging nalika wonten warga sanesipun ndamel griya, kenduri, lan sapanunggalipun, warga sanesipun kanthi manah sukarila tansah asung panyengkuyung tanpa ngetangaken opah menapa malih bebathen .setunggaling kawontenan ingkang benten sanget kaliyan masyarakat ingkang kaanggeb modern ingkang tansah ngoyak kamajengan ingkang dipun sambetaken kaliyan babagan materi utawi bandha.
Warga msyarakat ing mrunggi tasih tetep njagi lestantuning greget gotong royong. Ing satengahing lunturing greget gotong royong ing wekdal samenika ingkang langkung neneganaken sipat matelialistik, warga masyarakat badhe tetep anguggemi bilih gotong royong utawi gugur gunung mekaten badhe saged ngadhepi wontenipun pepalang ing satengahing bebrayan ageng.
