TVRI YOGYAKARTA NEWS-WIDI-HANIF YUDA
Para pamirsa, kesenian jathilan mujudaken salah setungaling seni tradisi ingkang dumugining wekdal sakmenika tasih dipun remeni dening masyaralat. Bab mekaten menika ndayani tuwuh mekaring klempakan jathilan ing tengahing masyarakat.
Seni tradisionil jathilan mekaten mujudaken setunggaling seni ingkang manunggalaken ing antawisipun beksan kaliyan magis. Pagelaran menika kados dene pagelaran seni sanesipun ingkang umumipun ugi nggadhai alur carios, inggih menika gambaraken setunggaling carios ingkang dipun ujudaken ing setunggaling beksan. Kesenian menika kanyata ugi dadospanglipur tumprap warga masyarakat, mboten maiben bilih ing saben wonmten gel;ar jathilan kebak penontonipun. Kridha seni tradisionil jathilan menika mujudaken setunggaling seni ingkang sigrak ing salebeting maragaken beksan utawi jogedipun. Paraganipun sami nitih turangga ingkang kadamel saking kepang lan dipun entha-entha kadosdene turangga utwi jaran kepang. Minangka jangkeping sarana kajawi busana ingkang sarwa gumebyar kadosdene busananing prejurit paraganipun ugi mbeta pecut utawi pedhang minagka gamanipun. Nalika dumados pageblug covid, kesenian menika kathah ingkang mandheg lan sepen tanggapan, ananging sakmenika ugi sampun wiwit regeng malih. Salah setunbggalipun kados ingkang dipun temahi dening npaguyuban raga wahyu mataram saking pajangan bantul menika, wahyu sugeng widodo, pangarsa klempakan janthilan ingkang sampun madheg wiwit tahun kalih ewu sewelas mratelaken bilih sadangunipun pageblug, tanggapan ugi sepen, ananging sakmenika tanggapan seni jathilan wiwit rame malih. Tanggapanipun mboten namung saking llaadn bantul kemawon ananging ugi sedaya laladan ing DIY, kepara dumugi sak jawining rangkah. Tuwuh lan ngrembakaning seni tradisionil ing satengahing masyarakat ngayogyakarta temtunipun badhe saya nambah khasanah budaya wusananipun saged asung panyengkuyung keistimewaan yogyakarta. Seni jathilan ing wekdal samenika sansaya regeng jalaran sampun dipun manunggalaken kaliyan seni musik ingkang modern.
