TVRI YOGYAKARTA NEWS-JATMIKO HADI
Dinten riyaya idul fitri dados berkah piyambak tumrap para bakul lan perajin klontongan kupat ingkang dipun damel saking janur. Saben dinten bebathen ingkang dipun tampi ngancik 500 ewu rupiyah.
Saben ndungkap dinten riyaya idul fitri katah saking warganing masayrakat ingkang ndamel lan nyade klontongan kupat. Para bakul menika gelar daganganipun namung ing pinggir – pinggir mergi. Kados ingkang dipun tindakaken dining paisah warga Dusun Parakan Sidomulyo Pengasih Kulonprogo, ingkang gelar daganganipun ing sak kiwatengenipun peken Wates Kulonprogo. Piyambakipun waleh bilih pakaryan damel klontongan kupat menika dipun tindakaken saben ngajengi dinten riyaya idul fitri. Piyambakipun gelar daganganipun menika wiwit subuh dumugi ndalu utawi menawi pasudiyan klontongan kupat damelanipun sampun telas. Dipun rencangi dining putranipun, paisah kanthi tlatos ndamel setunggal mboka setungal klontongan kupat ingkang bahan bakenipun ginakaken janur. Setunggal klontongan kupat menika dipun sade setunggal ewu rupiyah, lan saben dinten piyambakipun radin – radin saget nyade engga 500 klontongan kupat. Bebaten ingkang dipun tampi menika samangkenipun bade dipun ginakaken kangge nyekapi kabetahan padintenan lan dinten riyaya idul fitri.
Katahipun para perajin lan bakul klontongan kupat menika mboten uwal saking tradisi ingkang tasih lestantun ing saktengahing masayrakat, inggih menika saben dinten riyaya idul fitri warga sami mangsak kupat minangka pratanda utawi simbul saking ngaku lepat utawi kalepatan.
