TVRI YOGYAKARTA NEWS-JATMIKO HADI
Ndungkap dinten riyaya idul fitri, dados berkah piyambak tumrap para perajin brambet goreng ing laladan Kabupaten Kulonprogo. Panyuwunan tumrap brambet goreng mindhak engga 50 persen kabandingaken dinten padatan.
Lasmini salah saweneh pengrajin brambet goreng saking laladan dusun karang tengah kalurahan gotakan panjatan kulonprogo ngandaraken, sampun sawetawis dinten pungkasan menika panyuwunan brambet goreng ing vpapanipun mindhak engga 50 persen. Menawi dinten padatan piyambakipun namung ndamel 30 engga 40 kilogram brambet goreng kemawon, ananging nyelaki dinten riyaya riyadi menika piyambakipun saget ndamel engga 60 kilo brambet goreng. Kajawi dipun sade dining para lenggananipun, brambet goreng menika ugi dipun kintun ing peken tradisional ing laladan kabupaten kulonprogo wiwit saking peken bendungan, wates, engga peken nanggulan. Kepara wonten sawetawis peken tradisional ing laladan kabupaten purworejo ingkang mundut brambet goreng ing papanipun. Mindhaking panyuwunan brambet goreng menika ugi dayani pengaosing brambet goreng ing pekenan ugi mindhak, sekilonipun ngancik 135 ewu rupiyah.
Lasmini piyambak sampun gegulang dados perajin brambet goreng wiwit tahun 2015 kapengker. Bahan baken brambet dipun pundut saking para kadang tani brambet ing laladan Kabupaten Kulonprogo. Kanthi ndamel brambet goreng menika piyambakipun ugi lapangan pakaryan dumateng para kaum pawestri ing sak kiwatengenipun.
