TVRI YOGYAKARTA NEWS – JATMIKO HADI
Sinaosa dados ama menggahipun kadang tani, keong sawah kanyata saged dipun olah dados daharan sumber energi. Saweneh warga ingkang pados keong sawah, saged pikantuk wulu wektu atusan ewu saking asiling ngolah lan kasade ing angkringan.
Krida pados keong sawah, kados ingkang katindaken dening Bambang Sampurno warga Dusun Kwarakan, Sidorejo, Lendah, Kulonprogo. Sampun gansgal welas tahun dangunipun piyambakipun pados keong sawah saperlu dipun olah dados sate keong saklajengipun dipun sade. Pawitan jaring lan goni, saben enjing bambang sampun pados keong ing pesabinan, lan ilen-ilen irigasi. Saben pados keong saged pikantuk sewelas kilogram. Keong-keong menika saklajengipun dipun godog. Saking keong ingkang dipun pendet menika saged dipun olah dados sate satus sunduk, ingkang dipun sade kalih ewu rupiyah saben ijinipun. Anggenipun nyade dipun titipaken ing wande angkringan. Menawi pajeng sedaya piyambakipun pikantuk asil kalih atus ewu rupiyah.
Kajawi dipun penbdet dagingipun, bambang ugi mupangataken cangkang keong kangge campuran pakan kambangan. Kanthi madosi keong menika ugi saged paring pambiyantu dhumateng kadang tani ngawekani ngrebasaning ama keong ingkang ngrisak taneman pantun.
