TVRI YOGYAKARTA NEWS – SETYA BUDI
Dinten riyaya natal kala wingi dados berkah piyambak tumrap para bakul sekar tabur ing Kabupaten Gunungkidul. Panyuwunan sekar tabur mindhak kabandingaken dinten padatan, awit katahipun umat nasrani ingkang pados sekar tabur kangge ziarah.
Ing dinten riyaya natal kala wingi, bakul sekar tabur ing peken argosari wonosari rame dipun datengi warga saperlu mundhut sekar tabur. Katah saking para umat kristiani ingkang pados sekar tabur ing peken menika kangge jejangkeping nalika ziara kubur. Mboten nnamung saking laladan wonosari kemawon, ananging ugi saking laladan sanes kadata Kapanewon Semanu lan Karangmojo. Yuni salah saweneh bakul sekar tabur nelakaken, bilih inggilipun panyuwunan sekar tabur sampun dumados wiwit setunggal minggu pungksaan. Katah–katahipun inggih mneika para warga ingkang sami kundur utawi mudik ing dinten riyaya natal. Kawontenan menika ndamel berkah piyambak tumrap piyambakipun lan para bakul sekar tabur sanesipun. Saben dintenipun yuli saget nyade engga 15 kilogram sekar tabur jinis mawar. Kamangka ing dinten padatan piyambakipun namung saget nyade udakawis 6 kilo sekar mawar. Kajawi sekar jinis mawar, inggiling panyuwun sekar ugi dumados kangge jinis kenanga melati. Kangge nyekapi panyuwunan peken piyambakipun kedah datengaken seklar tabur saking laladan sanes kadasta Boyolali Jawa Tengah.
Inggiling panyuwunan sekar tabur ugi mangaribawani mindhaking regi sekar tabur. Setunggal kilo sekar tabur jinis mawar ing dinten padatan ingkang pengaosipun 40 ewu rupiyah, mindhak dados 801 ewu rupiyah saben kilonipun.
