TVRI YOGYAKARTA NEWS – HENDRY
Limrahipun markisa menika gadah ukuran ingkang alit, nanging markisa ingkang kaloka kanti nami markisa jumbo menika kanyata ukuranipun saged ageng kanti bobot ngancik sekilo saben ijinipun.
Kados mekaten menika wujudipun who markisa jumbo. Limrahipun, ukuran markisa menika namung sa ukuran woh kepel, ananging markisa jumbo menika saged ngancik bobot setengah kilo saben setunggal who-ipun. Awit saking bobotipun ingkang ageng, menawi sampun mateng daging-ipun who markisa jumbo menika raosipun manis kados melon. Wakino saweneh warga Cangkring Sidomulyo Bambanglipuro Bantul ngandaraken bilih sanadyan ukuranipun ageng, ananging who menika kapetang gampil ngrimatipun. Rabukipun inggih namung rabuk kandang ingkang sampun dados. Cara ngrimat ing padintenan inggih namung ngrempeli ron ingkang sampun garing. Sejatosipun taneman who menika cocokipun dipun tanem ing mangsa ketiga. Taneman markisa jumbo menika nggadahi sekar ingkang eddnah mila mboten maiben bilih nalika dipun budidaya wonten ing pekawisan griya saged ndamel endanhing sesarengan. Namung kemawon ingkang kedah dipun gatosaken inggih menika lanjaran ingkang kiyat, menawi mboten taneman menika saged rebah. Setunggaling kelangkungan taneman menika inggih saged mawoh sapanjanging tahun. Gandeng kaliyan sifat taneman ingkang mrambat, kedah dipun tanem wonten ing papan ingkang mligi lan dipun damel papan kangge mrambat. Awit saking bentukipun ingkang nleneh, kathah pandemen taneman ingkang madosi markisa jumbo menika.
