TVRI YOGYAKARTA NEWS – YUDHA
Para pamirsa, sumber pangan local arupi tela kaspa sarta tela pendem dening warga saking sendang sari, kapnewon pengasih kabupaten kulonprogo dipun olah dados glepung sarta produk turunanipun.
Kabetahan gandum ing indonesia gilir gumantosing wekdal saya matikel-tikel jumbuh kaliyan saya inggiling panyuwuanan ing masyarakat. Kamangka baha pangan kala wau asalipun saking negari manca, saengga kathahing import glepung gandum utwi terigu badhe nguras devisa negari. Nguningani kawontenjan ingkang mekaten menika saklajengipun warga saking kalurahan sendang sari, kapanewon pangesih kulonprogo, wiwit tahun kalih ewu sedasa ngolah tela kaspa lan tela pendem wau dados glepung. Karis pengusaha glepung mocaf lan tela pendem mratelaken bilih saben sewulanipun piyambakipun saged nelasken bahan baken tela kaspa menapa dene tela pendem engga setunggal ton langkung. Ing saklebeting ndamel glepung ugi namung prsaja saget, bahan baken ingkang sampun cumawis saklajengipun dipun onceki lan dipun kumbah engga resik, nembe dipun rajang tipis–tipis. Bahan ingkang sampun dipun iris-iris kala wau saklajengipun dipun kum ing toya resik udakawis tigang dintenan, kangge ngicali gandanipun. Sasampunipun menika nembe dipun pepe engga garing. Miturut karis, bahan ingkang sampun garing kala wau mboten langsung dipun giling dados glepung ananging dipun simpen mekaten kemawon. Samangkenipun menawi badhe ngintun nembe dipun giling. Glepung menika dipun sade ing saindenging nbuswantara kepara sampun dipun eksport dumugi mancanegari.
Glepung menika ugi sampun dipun olah dados mie instan, kue kering, brownis lan produk sanesipun. Glepuing menika gadhah kaluwihan kapandhinagaken kaliyan trigu, ingih menikakandutan serat lan kalsium langkung inggil, sawetawis kadar lemakipun andhap. Sekilo glepung mocaf lan tela pendem, dipun sade kalih dasa ewu rupiyah.
