TVRI YOGYAKARTA NEWS – WIDI-YUDHA
Para pamirsa, kangge ngawekani sumebaring sesakit PMK, kangge sawetawis wekdal kadang tani ternak ing laladan kulon progo ngawisi warganinpun tumbas lembu, sarta nindakjen biosekuriti kanthi maksimal.
Ing pungksaning wekdal menika, ngrebasa malih wontenipun sesakit PMK utawi penyakit mulut dan kuku ing laladan DIY, ingkang nerak kewan ruminansia mliginipun lembu. Ing sawetawis laladan ugi sampun wonten raja kaya ingkang pejah. Sesakit menika mboten namung aged nerak dhumateng lembu, ananging ugi maesa, menda engga domba. Menggah ciri-cirining kewan ingkang kenging sesakit pmk antawisipun demam inggiol kanthi suhu tigang dasa sanga dumugi kawan dasanan derajat selsius, lesi utawi wonten lepuhan ing cangkemnipun, ilat lan gusi. Kajawi menika ugi dumados tatu ing selka selaning kuku, ileripun kathah sarta medal numplukipun. Bab menika temtunipun mangaribwani nepsu manganipun dados kireang utawi suda, kewan dados lemes kepara saged ndayani pejah. Nguningani bilh ing wekdal sakmenika nembe ngerbasa wontenipun penyakit mulut dan kuku utawi PMK, kadang tani ternak langkung waspada supados sesakit ingkang dipun sebab-aken dening virus kala wau mboten nerak dhateng lembunipun. Mulyono saweneh kadang tani ngandaraken bilih ngawekani melebeting sesakit, pihakipun sawetawis wekdal ngawisi warganing klempakan tumbas lembu, engga sesakit wau ical. Kajawi ngawisi mlebeting lembu ing kandang kelompok, pihakipun ugi nindaken bio security kanthi estu, sarta nindakaken disinfektan saben seminggu kaping kalih. Ngendsaleniu pmk saged katinadken kanthi vaksinasi ingkang ajeg, bio sekuriti ingkanbg sae, mbatesi lalulintas ternak sarta disinfektan kandang lan piranti kanti ajeg. Menawi wonten kewan ingkang sampun katerak, kedah dipun isolasi, ngobati suportif kangeg ngenthengaken gejalanipun, nyukani antibiotik engga ngrimat tatu mawi antiseptik. Menawi kadang tani manggihaken tanda-tanda sesakit kedah enggal-enggal caos palapuran dhuamteng pedamel kasarasan kewan, sarta anatepi protokol penanganan wabah saking bebadan ingkang kawogan.
