TVRI YOGYAKARTA NEWS – WIDI-YUDHA
Para pamirsa, anyengkuyung program penghijauan ing laladan Kabupaten Kulonprogo, kadang tani ing laladan Banjarasri, Kalibawang Kulonprogo nanem alpukad ingkang gunggungipun atusan wit ing lahan ingkang wiyaripun ngancik gansal hektar.
Taneman alpukad ing wedal sakmenika nembe regeng-regengipun kathah dipun tanem dening warga masyarakat jalaran asilipun mikolehi. Wonten manekawerni jinis alpukad ingkang gadhah bobot inggil, sae meniak daging lan ukuranipun woh ingkang ageng-ageng. Maneka werni varietas unggul kala wau antawisipun saking vaietas miki, aligator, kendil, engga wina, lan sak piturutipun. Kalodhangan peken ingkang tinarbuka menika ingkang saklajengipun dipun mupangataken dening warga masyarakat saking Banjarasri, Kalibawang Kulonprogo nindaken usaha budidaya taneman alpulkad. Harjito saweneh kadang tani pembudidaya alpukad ingkang ugi dukuh boro suci ngandaraken bilih taneman alpukad ingkang diopun budidayaaken menika ugi larasa kaliyan dawuhipun bapak Joko Widodo nalika tasih njawat dados Presiden RI, ingkang netepaken bilih ing kabupaten, dipun wontenaken progam ngijem aken lalagdan ingkang wiyaripun kalih atus seket hektar, saklajengipun dening warga masyarakat program penghijauan kala wau dipun wujudaken kanthi nanem alpukad iongkang ugi dipun ampingi dening saetawis perusahaan. Ing padukuhan boro suci piyambak wonten gasbnal hektar ingkang dipun kupiyaken kangge nanem lapukad lan duren, ingkanbg kawiiwtan ing wulan juliu tahun kalih ewu kawan likur kapengker, taneman alpukad ingkang nembe katnem nem wulanan menika ugi tuwuh kanthi subur.
Ing fase pertumbuhan taneman alpukad menika cekap dipun rabuk mawi rabuk organik bucalamn menda menapdene lembu, sarta nyemprot ama arupi uler ingkang ngerbasa ron taneman. Kanthi pangrimanatan inkang sae, taneman alpukad menika ugi sampun saged mawoh sasampunipun dipun tanem tigang tahunan. Menawi sekawit rtaneman alpukad menika namung saged mawoh ing mangsa, ananing sakmenika kanthi rekayasa teknologi ugi sampun saged dipun awohaken ing sakjawining mangsa.
