TVRI YOGYAKARTA NEWS – HENDRY
Dumateng para sutresna tabulampot, taneman sawo cemeng utawi meme sapote saged dipun dadosaken pilihan. Wohipun ageng saged ngancik setunggal kilogram saben ijinipun.
Meme sapote utawi ingkang kaloka kanthi sebatan sawo brasil, mujudaken salah setunggaling jinis who-wohan ingkang asalipun saking Amerika Latin. Sinaosa asalipun saking negari ing alladan Amerika Latin, kanyata taneman meme sa[pote menika ugi saged tuwuh kanthi subur ing laladan indonesia. Meme sapote mlebet ing Indonesia udakawis sedasa tahun kapengker, nalika semanten tasih langka lan namung dados koleksinipun para hobiis kemawon. Nanging sakmenika, meme sapote ugi lajeng sumebar dumugi saindenging nuswantara minangka taneman tabulampot. Salah setunggling warga ingkang budidaya meme sapote inggih menika Isto Suwarno, saking pemukti baru, prambanan, klaten. Taneman ingkang dipun tanem wiwit tigang tahunan menika sampun mawoh, awohipun kanyata ugi ndados sanget, lan nylandri sapanjanging wekdal. Taneman meme sapaote kapetang gampil dipun rimat. Ingkang utami sampun ngantos telat anggenipoun nyirami toya, kedah dipun rabuk setungal wulan sepisan mawi rabuk kandang sarta NPK. Who meme sapote menika soklat lan menawi sampun mateng raosipun legi sanget kadosdene sawo. Ingkang ndamnel remen sutresna taneman inggih menika ukuran wohi[pun saged ngancik setunggal iji saben ijinipun. Taneman meme sapote menka prasasat awis–awis sanget kenging ama sesakit. Menawio wonten ugi namung walang. Menika kemawon gunggungiopun ugi namung sekedhik jalaran ron meme sapote ingkang raosipun pait lan mboten dipun remeni uler menapa dene walang, winih meme sapote kanthi ukuiran setunggal meter ing pot dipun sade kanthi regi gansgal atus ewu rupiyah.
